თურქეთში წყალქვეშა ნავის STM500-ის მშენებლობა დაიწყო. წყალქვეშა ნავის რეალიზაცია, რომელიც დაპროექტებულია თურქი ინჟინერების მიერ, წყალქვეშა ხომალდის კორპუსის ტესტირებით დაიწყო.
ამის შესახებ Twitter-ში დაწერა თურქეთის პრეზიდენტის ადმინისტრაციის დაქვემდებარებაში მყოფი თავდაცვითი მრეწველობის სააგენტოს ხელმძღვანელმა ისმაილ დემირმა.
მისი თქმით, ახალი წყალქვეშა ნავი აღჭურვილი იქნება თანამედროვე სისტემებითა და შეიარაღებით.
დემირმა პროექტ STM500-ს ისტორიული უწოდა და აღნიშნა, რომ ახალი წყალქვეშა ხომალდი ისეა დაპროექტებული, რომ განახორციელოს მისიები როგორც არაღრმა წყლებში, ისე ღია ზღვაში.
დემირის თქმით, ახალი წყალქვეშა ნავი გამოყენებული იქნება დაზვერვისთვის, ასევე დაეხმარება სპეცრაზმს და შეასრულებს წყალქვეშა ტაქტიკურ დავალებებს.