საქართველოში გერმანიის საელჩო ევროკავშირის საბჭოს გადაწყვეტილებას ეხმიანება და აცხადებს, რომ ქართული საზოგადოება მზადაა ყველაფერი გააკეთოს ევროპულ გზაზე წარმატების მისაღწევად.
"მიზანი ნათელია: საქართველო, უკრაინა და მოლდოვა უნდა გახდნენ ევროკავშირის წევრები. ვიცით, რომ ქართული საზოგადოება მზად არის, ყველაფერი გააკეთოს ამ გზაზე წარმატების მისაღწევად. გერმანია თავის წვლილს შეიტანს ამ წარმატების უზრუნველსაყოფად. საკუთარი ისტორიის ახალ თავს ევროპა ერთობლივად შექმნის", - ნათქვამია საელჩოს მიერ გავრცელებულ განცხადებაში.
