ავღანეთში, პაკტიკას პროვინციაში ძლიერ მიწისძვრას სულ მცირე 280 ადამიანი ემსხვერპლა, 200-მდე კი დაშავდა. იტყობინება al Jazeera.
ამასთან, სოციალურ ქსელებში გავრცელდა კადრები, რომლებშიც ჩანს დანგრეული სახლები და დაშავებულები. 6.1 მაგნიტუდის მიწისძვრა გამთენიისას მოხდა, როდესაც ხალხი სახლში იმყოფებოდა და ეძინა.
ადგილობრივი ხელისუფლების წარმომადგენელთა თქმით, მსხვერპლთა რაოდენობა, სავარაუდოდ, გაიზრდება. მიწისძვრის ეპიცენტრი ავღანეთის სამხრეთ-აღმოსავლეთით ქალაქ ხოსტიდან 44 კმ-ში მდებარეობდა.
ბიძგები იგრძნობოდა ქაბულში, ასევე პაკისტანსა და ინდოეთში.
