ლატვიურმა კომპანია Food Union-მა უკრაინისადმი მიძღვნილი სპეციალური ნაყინი დაამზადა.
ადგილობრივი მედიის ცნობით, ნაყინში სიმბოლურად გამოიყენება ყვითელი და ლურჯი ფერების კომბინაციები, რეცეპტი კი ნატურალურ ინგრედიენტებზეა დაფუძნებული.
ნაყინის სახელწოდებაა "Слава Україні/დიდება უკრაინას".
"ეს ნაყინი ეძღვნება უკრაინელი ხალხის სიმამაცესა და თავისუფლებისადმი სიყვარულს. მაგრამ რაც მთავარია, ეს არის შეხსენება ყველასთვის ლატვიაში, რომ უკრაინაში საშინელი ომი ჯერ კიდევ მიმდინარეობს, ამიტომ ჩვენ უნდა გავაგრძელოთ მისი ხალხის დახმარება", - თქვა Food Union-ის აღმასრულებელმა დირექტორმა ირინა ხოლოდნამ.