აზერბაიჯანის დედაქალაქ ბაქოში, 77 წლის ასაკში გარდაიცვალა რუსეთის ფედერაციის ყოფილი სახელმწიფო მდივანი გენადი ბურბულისი.
გენადი ბურბულისი იყო პირველი და ერთადერთი, რომელსაც სახელმწიფო მდივნის თანამდებობა ეკავა.
სააგენტო "ინტერფაქსის" ცნობით, ბურბულისის სიკვდილი მოულოდნელი იყო, რადგან რამდენიმე დღის წინ მონაწილეობა მიიღო ბაქოს IX საერთაშორისო ფორუმში, სადაც განიხილებოდა "საფრთხეები გლობალური მსოფლიო წესრიგისთვის".
ბურბულისი 1990-1992 წლებში იყო რუსეთის ფედერაციის პირველი პრეზიდენტის ბორის ელცინის უახლოესი თანამოაზრე. 1991 წლის ივლისიდან იყო რუსეთის სახელმწიფო მდივანი, პრემიერ-მინისტრის პირველი მოადგილე - 1991 წლის ნოემბრიდან 1992 წლის დეკემბრამდე.
გენადი ბურბულისმა მონაწილეობა მიიღო ბელოვეჟის შეთანხმების ხელმოწერაში, რომლის თანახმადაც საბჭოთა კავშირის დაშლისა და დამოუკიდებელ სახელმწიფოთა თანამეგობრობის (დსთ) შექმნა გამოცხადდა.
1993 - 1999 წლებში იყო რუსეთის დუმის დეპუტატი, 2000-2001 წლებში - ნოვგოროდის ოლქის ვიცე-გუბერნატორი. შემდეგ 2001 წლიდან 2008 წლამდე ბურბულისი ამ რეგიონის სენატორი.