უკრაინის რადამ მიიღო კანონი მედიასა და საჯარო სივრცეში, მათ შორის, საზოგადოებრივ ტრანსპორტში რუსული მუსიკის აკრძალვის შესახებ.
კანონის თანახმად, უკრაინაში იკრძალება საჯაროდ შესრულება და ფონოგრამების, ვიდეოპროგრამებისა და მუსიკალური კლიპების ტრანსლირება, თუ ნაწარმოები ეკუთვნის იმ ქვეყნის მოქალაქეს, რომელიც უკრაინაში აგრესორად არის გამოცხადებული.
ნორმის დარღვევის შემთხვევაში, ტელერადიოკომპანიებს მოუწევთ სალიცენზიო მოსაკრებლის 10%-იანი ჯარიმის გადახდა.
ეს მოთხოვნა ეხება შემსრულებლებს, რომლებსაც აქვთ რუსეთის მოქალაქეობა 1991 წლიდან. წესები არ ვრცელდება მათზე, ვინც რუსეთის მოქალაქეობაზე უარი თქვა და უკრაინის მოქალაქეობა მიიღო, ან დაგმო რუსეთის სამხედრო აგრესია უკრაინის წინააღმდეგ.
ამასთან, რადამ მიიღო კანონი, რომელიც კრძალავს რუსეთიდან, ბელარუსიდან და უკრაინის ოკუპირებული ტერიტორიებიდან წიგნებისა და სხვა საგამომცემლო პროდუქციის გავრცელებას.