ყაზახეთის პრეზიდენტმა ყასიმ-ჟომართ თოყაევმა განაცხადა, რომ მისი ქვეყანა არ აღიარებს ლუჰანსკისა და დონეცკის ე.წ. რესპუბლიკებს, რადგან ერების თვითგამორკვევის პრინციპის ფართოდ გამოყენებამ, შესაძლოა, დედამიწაზე ქაოსი გამოიწვიოს. იუწყება რუსული მედია.
"გამოთვლილია, რომ თუ დედამიწაზე ერების თვითგამორკვევის უფლება რეალურად განხორციელდება, 193 სახელმწიფოს ნაცვლად, რომლებიც დღეს გაეროს შემადგენლობაში არიან, გაჩნდება 500 ან 600 სახელმწიფო.
რა თქმა უნდა, ეს იქნება ქაოსი. ამ მიზეზით ჩვენ არ ვაღიარებთ არც ტაივანს, არც კოსოვოს, არც "სამხრეთ ოსეთს", არც აფხაზეთს. და როგორც ჩანს ეს პრინციპი გამოყენებული იქნება კვაზისახელმწიფოებრივი წარმონაქმნების მიმართ, რომლებიც ჩვენ აზრით, არიან ლუჰანსკი და დონეცკი", - განაცხადა თოყაევმა სანქტ-პეტერბურგის ეკონომიკურ ფორმუზე, რომელსაც პუტინიც ესწრებოდა.
