ვფიქრობთ, საქართველო დემოკრატიული, ევროპული ერების ოჯახს მიეკუთვნება, - განაცხადა საზოგადოებრივი მაუწყებლის ცნობით, შვედეთის პარლამენტის (რიქსდაგი) სპიკერმა ანდრეას ნორლენმა საქართველოს პარლამენტის თავმჯდომარესთან, შალვა პაპუაშვილთან შეხვედრის შემდეგ.
ნორლენის განცხადებით, შვედეთი მხარს უჭერს საქართველოს ევროპულ მისწრაფებას და ღიაა ევროკავშირის გაფართოების საკითხზე.
"ვიმსჯელეთ საქართველოს დემოკრატიის განვითარებაზე. შვედეთი ერთგულად უჭერს მხარს საქართველოში რეფორმების გაგრძელებას, რაც საჭიროა თქვენი ევროპული ინტეგრაციის წინ წასაწევად. კიდევ ერთხელ გავიმეორე, რომ ჩვენ მხარს ვუჭერთ საქართველოს ტერიტორიულ მთლიანობას, სუვერენიტეტს და ევროპულ მისწრაფებას. ჩვენ ძალიან ღია ვართ ევროკავშირის გაფართოების საკითხზე. ჩვენ ვფიქრობთ, რომ საქართველო მიეკუთვნება დემოკრატიული, ევროპული ერების ოჯახს", - განაცხადა ნორლენმა.
