აშშ-ის ყოფილმა სახელმწიფო მდივანმა ჰენრი კისინჯერმა განაცხადა, რომ დასავლეთმა უარი უნდა თქვას უკრაინაში რუსეთის დამარცხების მცდელობაზე, უკრაინა კი ტერიტორიების დათმობაზე უნდა წავიდეს. იუწყება The Telegraph-ი.
ჰენრი კისინჯერმა დავოსის ეკონომიკურ ფორუმზე განაცხადა, რომ უახლოეს ორ თვეში მხარეებს შორის მოლაპარაკებები უნდა განახლდეს. წინააღმდეგ შემთხვევაში მისი თქმით, დაიწყება რყევები და შეიქმნება დაძაბულობა, რომლის დაძლევაც მარტივი არ იქნება.
კისინჯერს მიაჩნია, რომ მოსკოვი და კიევი უნდა დაუბრუნდნენ წინა მდგომარეობას, სხვაგვარად, ევროპაში არასტაბილურობის უზარამაზარი კერა წარმოიქმნება.
"მოლაპარაკებები მომდევნო ორი თვის განმავლობაში უნდა დაიწყოს, ვიდრე არ შეიქმნება რყევები და დაძაბულობა, რომელიც ადვილად არ დაიძლევა. იდეალურ შემთხვევაში, გამყოფი ხაზი ადრე არსებულ მდგომარეობისკენ დაბრუნება უნდა იყოს. ამ ნიშნულის მიღმა ომის გაგრძელებას არაფერი ექნება საერთო უკრაინის თავისუფლებასთან, არამედ რუსეთის წინააღმდეგ ახალი ომი იქნება", - აღნიშნა ჰენრი კისინჯერმა.
ცოტა ხნის წინ მან ევროპის ქვეყნებს მოუწოდა გაითვალისწინონ უფრო გლობალური სურათი და ახსოვდეთ, რომ "რუსეთი 400 წლის განავლობაში ევროპის განუყოფელი ნაწილი იყო".
ექს-სახელმწიფო მდივანმა აღნიშნა, რომ დასავლეთის ქვეყნებმა მოსკოვი პეკინთან მუდმივ ალიანსში არ უნდა დატოვონ.