თურქმენეთის ქალაქ მარიში ათობით წყვილი იმის გამო დააკავეს, რომ მათ საზოგადეობრივი თავშეყრის ადგილებში ხელჩაკიდებულები იყვნენ. ამის შესახებ "რადიო აზატიკი" იუწყება.
პოლიციამ დაკავებულები ტრადიციების დარღვევაში დაადანაშაულა. ისინი მას შემდეგ გაათავისუფლეს, რაც ხელი მოაწერეს პირობას, რომ მომავალში საჯაროდ გრძნობებს აღარ გამოხატავდნენ.
პოლიციელები მათ დაპირდნენ, რომ "სერიოზულ პრობლემებს" შეუქმნიდნენ დარღვევის განმეორების შემთხვევეაში.
ადგილობრივების, განსაკუთრებით ქალების გარეგნობის კონტროლი თურქმენეთში განსაკუთრებით გაძლიერდა ხელისუფლებაში სერდარ ბერდიმუჰამედოვის ხელისუფლებაში მოსვლის შემდეგ. მან მარტში ფაქტობრივად უალტერნატივო საპრეზიდენტო არჩევნებში გაიმარჯვა და თანამდებობაზე მამა - გურბანგული ბერდიმუჰამედოვი შეცვალა.
აპრილიდან, ქვეყანაში დაწესდა აკრძალვები ისეთ კოსმეტიკურ ოპერაციებზე, როგორიცა ტუჩებისა და მკერდის გადიდება ან ტატუს გაკეთება. ამასთან, ქუჩებში დააკავეს და დააჯარიმეს ქალები, რომლებსაც ფრჩხილები და წამწამები დაგრძელებული ჰქონდათ.
სახელმწიფო დაწესებულებების თანამშრომლებს მუქარის ქვეშ დააწერინეს განცხადებები, რომ კოსმეტიკას არ გამოიყენებდნენ.
ათობით ბორტგამცილებლი და გამცილებელი, რომლებიც სახელმწიფო სატრანსპორტო კომპანიებში მუშაობდნენ, მკერდის იმპლანტებისა და ტუჩების გადიდების გამო გაათავისუფლეს.
გარდა ამისა, ხელისუფლება ქალებს ავტომობილის წინა სავარძელში დაჯდომა აუკრძალა, ასევე მძღოლებს ეკრძალებათ ავტომობილის სალონში არ დასვან ქალები, თუ ისინი არ არიან მათი ნათესავები: საგზაო პოლიცია აჩერებს ავტომანქანებს, სადაც ქალები იმყოფებიან და მძღოლთან მათი ნათესაური კავშირის დამადასტურებელ დოკუმენტებს ითხოვს.
"რადიო აზატიკს" მთავრობის წარმომადგენლებთან დაახლოებულმა წყაროებმა აცნობეს, რომ ხელისუფლება განიხილავს ქალებისთვის საზღვარგარეთ წასვლის აკრძალვის საკითხსაც. ქალებს უცხოეთში წასვლა მხოლოდ სამკურნალოდ შეეძლებათ.
ქალების გარეგნობაზე მკაცრი შეზღუდვები თურქმენეთში პერიოდულად წესდებოდა გურბანგულ ბერდიმუჰამედოვის პრეზიდენტობის დროსაც, თუმცა მაშინ აღნიშნული შეზღუდვების აღსრულებაზე კონტროლი არ მიმდინარეობდა.