ნორვეგია, დანია და ისლანდია პირობას დებენ, რომ ნატოში გაწევრიანებამდე, დაიცავენ ფინეთს და შვედეთს "თუ ისინი თავიანთ ტერიტორიაზე აგრესიის მსხვერპლი გახდებიან".
მათი განცხადებით, ისინი "მზად იქნებიან" დაიცვან ნატოს აპლიკანტი ფინეთი და შვედეთი თავდასხმის შემთხვევაში.
"დანიასა და ისლანდიასთან ერთად, ნორვეგია მზად არის დაეხმაროს თავის სკანდინავიელ მეზობლებს ყველა საჭირო საშუალებით, თუ ისინი გახდებიან აგრესიის მსხვერპლი მათ ტერიტორიაზე, ნატოში გაწევრიანებამდე", - თქვა ნორვეგიის პრემიერ-მინისტრმა იონას შტოერმა.
შეგახსენებთ, 15 მაისს ფინეთს პრეზიდენტმა და პრემიერ-მინისტრმა განაცხადეს, რომ ჰელსინკი ნატოში გაწევრიანების განაცხადის გაკეთებას გეგმავს. რამდენიმე საათში განცხადება გაავრცელა შვედეთის მმართველმა პარტიამ და მხარი დაუჭირა ნატოში გაწევრიანებას.
დღეს უკვე აღნიშნულ საკითხზე დებატები დაიწყო შვედეთსა და ფინეთის პარლამენტებში. ნატოში გაწევრიანების საკითხს ორივე ქვეყნის საკანონმდებლო ორგანოებში ფართო მხარდაჭერა აქვს.
თავის მხრივ, ჩრდილოატლანტიკური ალიანსი და მოკავშირეები აცხადებენ, რომ მიესალმებიან ახალ წევრებს და გაწევრიანების სწრაფ პროცედურას ჰპირდებიან.
