შვედეთის მმართველმა სოციალ-დემოკრატებმა კვირას განაცხადეს, რომ ისინი მხარს უჭერენ ქვეყნის ნატოში გაწევრიანებას.
სოციალ-დემოკრატიული პარტიის ამ განცხადებას რამდენიმე საათით წინ უსწრებდა ფინეთის ლიდერების ოფიციალური განცხადება ნატოში გაწევრიანების თაობაზე.
"პარტიის საბჭომ 2022 წლის 15 მაისის სხდომაზე გადაწყვიტა, რომ პარტია იმუშავებს იმისთვის, რათა შვედეთმა განაცხადოს ნატოში გაწევრიანების თაობაზე", - ნათქვამია სოციალ-დემოკრატების განცხადებაში.
ამასთან, მმართველი პარტიის მესვეურები განცხადებაში მიანიშნებენ, რომ არ მიესალმებიან შვედეთში ბირთვული იარაღის ან ნატოს სამხედრო ბაზების განლაგებას.
მოელიან, რომ შვედეთის პრემიერ-მინისტრი უახლოეს ხანებში პრესკონფერენციას გამართავს, სადაც ნატოშ გაწევეიანების თაობაზე ილაპარაკებს.