უკრაინის თავდაცვის მინისტრმა ოლექსეი რეზნიკოვმა განაცხადა, რომ უკრაინა ომის ახალ ხანგრძლივ ფაზაში შედის. ამის შესახებ რეზნიკოვი ფეისბუქზე წერს.
"ჩვენ შევდივართ ომის ახალ, ხანგრძლივ ფაზაში. გამარჯვების მოპოვებისთვის საგულდაგულოდ უნდა დავგეგმოთ რესურსები, თავიდან ავიცილოთ შეცდომები, ჩვენი ძალა ისე უნდა შევიმუშაოთ, რომ მტერმა საბოლოო ჯამში ვერ გაუძლოს", - განაცხადა მან.
რეზნიკოვის თქმით, რუსეთმა 9 მაისს სტრატეგიული მარცხი განიცადა - ვერ შეძლო უკრაინის განადგურება სამხედრო ინტერვენციისა და რუსი მარიონეტებით ხელისუფლების შეცვლის გზით.
"ბრძოლის ველზე რუსეთის სტრატეგიულ მარცხს დაემატა სტრატეგიული მარცხი საერთაშორისო ასპარეზზე. თუ გავიხსენებთ, რომ ცივილზებული სამყარო აძლიერებს ეკონომიკურ სანქციებს, ფინეთი და შვედეთი კი ემზადებიან ნატო-ში გაწევრიანებაზე განაცხადის შეტანას. საერთაშორისო კონტექსტი კრემლისთვის გამუდმებით უარესდება. მსოფლიომ მიიღო შანსი დაამარცხოს დიქტატურა, რომელიც გლობალურ საფრთხეს ქნის", - აღნიშნა მინისტრმა და დაამატა, რომ უკრაინას უკიდურესად მძიმე კვირები ელოდება.