14 მაისს „ქართული ოცნების“ ქალთა ორგანიზაციის დამფუძნებელი კონფერენცია გაიმართება.
პარტიის პრესსამსახურის ინფორმაციით, ღონისძიება გამოფენების ცენტრი „ექსპო ჯორჯიას“ მე-11 პავილიონში გაიმართება.
ქალთა ორგანიზაციის დაფუძნების თაობაზე პარტიის თავმჯდომარემ ირაკლი კობახიძემ თებერვლის დასაწყისში ისაუბრა.
კობახიძის განცხადებით, ქალთა ორგანიზაცია იქმნება პარტიულ-პოლიტიკურ პროცესებში ქალების როლისა და ჩართულობის მაქსიმალური გააქტიურების უზრუნველსაყოფად.
მისივე თქმით, ქალთა ორგანიზაციის დაფუძნება ხელს შეუწყობს გუნდის ქალი წევრების კარიერულ ზრდას და მათ გაუხსნის გზას მეტი წარმატებისკენ. როგორც პარტიულ სტრუქტურებში, ისე საჯარო სამსახურში.