უკრაინის თავდაცვის მინისტრმა, ოლექსი რეზნიკოვმა ევროპარლამენტარებს მიმართა რუსეთის პრეზიდენტი ვლადიმირ პუტინი ომის დამნაშავედ აღიარონ.
„მივმართავ ევროპარლამენტის ყველა წევრს, აღიარონ, რომ პუტინი ომის დამნაშავეა“, - განაცხადა რეზნიკოვმა.
მან მოიყვანა მაგალითები, მათ შორის, მარიუპოლის თეატრზე თავდასხმა, რომელიც იყო თავშესაფარი და შენობაში 1200 ქალი და ბავშვი იმყოფებოდა.
„ალბათ უკვე გაიგეთ, რომ ეს თეატრი იყო ადამიანებისთვის თავშესაფარი, თეატრს 1 200 ადამიანი აფარებდა თავს, უმეტესად ქალები და ბავშვები. რუკებზე შეგიძლიათ ნახოთ, დრონებით, რომ თეატრის წინ იყო წარწერა „ბავშვები“, ისე რომ პილოტს ის დაენახა და მიუხედავად ამისა, თეატრი დაბომბეს“, – განაცხადა რეზნიკოვმა.
აშშ-ის პრეზიდენტმა ჯო ბაიდენმა რუსეთის ლიდერს, ვლადიმირ პუტინს ომის დამნაშავე უწოდა, რაზეც კრემლმა თქვა, რომ "უპატიებელია".
ევროკომისიის პრეზიდენტმა ურსულა ფონ დერ ლაიენმა 10 მარტს განაცხადა, რომ უკრაინაში სამშობიარო საავადმყოფოს დაბომბვა შესაძლოა ომის დანაშაული ყოფილიყო.
