სამწუხაროა, რომ ის რიტორიკა, რაც არ გვესმის "ქართული ოცნებისგან", არ გვაძლევს საფუძველს ვიფიქროთ, რომ "ქართულ ოცნებას" აქვს მზაობა განახორციელოს ის ნაბიჯები, რაც არის აუცილებელი იმისთვის, რომ წარმატება გვქონდეს ამ მიმართულებით, ამის შესახებ "ლელოს" დეპუტატმა სალომე სამადაშვილმა განაცხადა.
სამადაშვილის თქმით, რამდენიმე კვირის წინ წარმოუდგენელი იყო ევროკავშირის პოლიტიკური ლიდერების შეკრებას ეთქვა, რომ ევროკავშირმა უნდა დაიწყოს საქართველოს, უკრაინის და მოლდოვას განაცხადების განხილვა.
"ძალიან კარგია და პოზიტიურია, რომ ამას მისცა მსვლელობა და პოლიტიკური მწვანე შუქი აუნთო ლიდერების შეკრებამ. ეს არის წინ გადადგმული ნაბიჯი და ამას მივესალმებით. ამავე დროს, უნდა გვესმოდეს, რომ ეს გრძელი პროცესია. "ლელოს" პოზიციაა, რომ ამ მიზნის გარშემო უნდა მოხდეს არამხოლოდ პოლიტიკური ძალების კონსოლიდაცია, არამედ საერთოდ ყველასი ქვეყანაში, ვინც ევროკავშირის მიმართულებით მუშაობს. მიაჩნია, რომ ჩვენი ქვეყანა რაც შეიძლება სწრაფად უნდა წავიდეს წინ. ამას სჭირდება გაერთიანება და ერთიანი ძალისხმევა, სამწუხაროა, რომ ის რიტორიკა, რაც არ გვესმის "ქართული ოცნებისგან", არ გვაძლევს საფუძველს ვიფიქროთ, რომ "ქართულ ოცნებას" აქვს მზაობა განახორციელოს ის ნაბიჯები, რაც არის აუცილებელი იმისთვის, რომ წარმატება გვქონდეს ამ მიმართულებით. გუშინ ევროპულ საბჭოს ხელმძღვანელობდა პრეზიდენტი მიშელი, დღეს მიშელის შეთანხმებით გაწერილი პუნქტების შესრულება იქნება ყველაზე სწორი ნაბიჯი, რომ მართლაც უზრუნველყოფილი იყოს სწრაფი პროგრესი ამ ძალიან რთულ გზაზე, რაც განაცხადის შეტანის შემდეგ გველოდება", - განაცხადა სამადაშვილმა.
