მისი თქმით, 14-20 ნოემბერს პარიზში ვიზიტის ფარგლებში, მან შეხვედრა გამართა იუნესკოს შტაბ-ბინაში, სადაც იუნესკოს ხელმძღვანელობასთან ერთად დაიგეგმა საქართველოსათვის უმნიშვნელოვანესი ფაქტი.

"მზადება დაიწყო და მომავალი წლის გაზაფხულისათვის იუნესკოს შტაბ-ბინაში გაიმართება საუკუნის წიგნის, ტრილოგიის - "ნათელი ქრისტესი. საქართველოს" პრეზენტაცია, რომელსაც მსოფლიოს ორასამდე სახელმწიფოს სრულუფლებიანი ელჩი და საფრანგეთისა და საქართველოს საზოგადოების წარმომადგენლები დაესწრებიან", _ განუცხადა "ჯი-ეიჩ-ენს" კირთაძემ.

მისივე ინფორმაციით, პრეზენტაციაზე მიწვეული იქნება სრულიად საქართველოს კათოლიკოს-პატრიარქი, უწმიდესი და უნეტარესი, ილია II.

აღსანიშნავია, რომ საუკუნის წიგნი "ნათელი ქრისტესი. საქართველო" გადაეცა სორბონას უნივერსიტეტის პრეზიდენტს და ამიერიდან ქართული უნიკალური წიგნი მსოფლიოს ამ უძველესი უნივერსიტეტის რარიტეტული გამოცემების ექსპოზიციაშიც დაიდებს ბინას.