დღეს, ენმ-ს სამდივნოს წევრმა ანტიკორუფციული მიმართულებით, ლევან ხაბეიშვილმა საქართველოს პარლამენტში ბრიფინგი გამართა და განაცხადა, რომ სუს-ის ხელმძღვანელს, გრიგოლ ლილუაშვილს იბარებენ პარლამენტში ფარული მოსმენებისა და ე.წ. ქოლ-ცენტრების საქმეზე.
"არც ერთხელ, გრიგოლ ლილუაშვილს, სუს-ის ხელმძღვანელს განცხადება არ გაუკეთებია იმაზე, რომ უსმენენ მთელს საქართველოს მამაოებს, პედაგოგებს ყველას და ფაქტიურად საძინებლებში წერენ" - განმარტავს ლევან ხაბეიშვილი.
ხაბეიშვილმა აღნიშნა, რომ სუს-ის ხელმძღვანელმა მოიცალა და მიუხედავად მისი უწყების გარშემო არსებული უამრავი კითხვისა, სარჩელი შეიტანა სასამართლოში მისი და კიდევ ორი ტელევიზიის წინააღმდეგ ე.წ. ქოლ-ცენტრების საქმეზე.
,,ჩვენი ინფორმაციით აღნიშნული საქმე გახდა საერთაშორისო გამოძიების ობიექტი, ჩვენ ვფიქრობთ, რომ ამ ადამიანის მიმართ დაიწყება გამოძიება, როგორც ე.წ. კრიშა ამ დანაშაულებრივი სქემისა. სწორედ ამიტომ, ჩვენ ვითხოვთ სუს-ის ხელმძღვანელი ლილუაშვილი, მოვიდეს პარლამენტში თავდაცვისა და უშიშროების კომიტეტზე" - განაცხადა ლევან ხაბეიშვილი
დეპუტატმა განაცხადა, რომ ფრაქციიდან შესაბამისი წერილი მოთხოვნის შესახებ დღეს გაიგზავნება.
