შეერთებული შტატების სამხედრო დახმარების მესამე ნაწილი უკრაინაში ჩავიდა. ამის შესახებ უკრაინის თავდაცვის მინისტრის მოადგილემ ანა მალიარმა განაცხადა.
"ამერიკის შეერთებული შტატებიდან უკრაინის შეიარაღებული ძალებისთვის განკუთვნილი საერთაშორისო ტექნიკური დახმარების კიდევ ერთი პარტია უკვე კიევშია. დახმარებას ბორისპოლის აეროპორტში თავდაცვის სამინისტროსა და აშშ-ს საელჩოს წარმომადგენლები დახვდნენ", - წერს მალიარი სოციალურ ქსელში.
მალიარის თქმით, დახმარების პაკეტი მოიცავს თანამედროვე აღჭურვილობას და თავდაცვითი მიზნებისთვის საბრძოლო მასალას. მან ამერიკელ პარტნიორებს მხარდაჭერისა და პრაქტიკული დახმარებისთვის მადლობა გადაუხადა.
უკრაინის შეიარაღებული ძალებისთვის აშშ-ს სამხედრო დახმარების პირველი პარტია უკრაინაში 22 იანვარს ჩავიდა. 23 იანვარს კი უკრაინა აშშ-ის სამხედრო დახმარების მეორე ნაწილი მიიღო.