რუსეთმა განაცხადა, რომ იანვარში, მსოფლიოს რამდენიმე რეგიონში მასშტაბურ სამხედრო-საზღვაო წვრთნებს ჩაატარებს.
უკრაინის საზღვართან 100 ათას რუსი სამხედროს მობილიზებისა და ბელარუსთან ერთობლივი მასშტაბური სამხედრო წვრთნების ფონზე, რუსეთის თავდაცვის სამინისტრომ განაცხადა, რომ ის მანევრებს რუსეთის სამხედრო-საზღვაო პოტენციალის მნიშვნელოვანი ნაწილის გამოყენებით ჩაატარებს.
"წვრთნების ძირითად მიმართულებას წარმოადგენს მსოფლიო ოკეანეში რუსეთის ეროვნული ინტერესების დასაცავად სამხედრო-საზღვაო და საჰაერო-კოსმოსური ძალების მოქმედებების შემუშავება", - ნათქვამია უწყების განცხადებაში. ამასთან, უწყება აზუსტებს, რომ წვრთნები მიმდინარე თვეში დაიწყება და თებერვლის ბოლომდე გაგრძელდება.
რუსეთის საგარეო საქმეთა სამინისტროს განცხადებით, წრვთნებში მონაწილეობას მიიღებს 140 ათასზე მეტი სამხედრო ხომალდი და 60-ზე მეტი თვითმფრინავი.
უწყებისვე განცხადებით, წვრთნები ჩატარდება, როგორც სანაპირო წყლებში, ისე შედარებით მოშორებულ "ოპერატიულად მნიშვნელოვან" რაიონებში, მათ შორის ხმელთაშუა ზღვაში, ჩრდილო-აღმოსავლეთ ატლანტისა და წყნარ ოკეანეში.