შეერთებულმა შტატებმა ბალტიისპირეთის ქვეყნებსა და დიდ ბრიტანეთს ამერიკისგან შეძენილი იარაღის უკრანისთვის მიწოდების ნებართვა მისცა.
20 იანვარს, აშშ-ს სახელმწიფო დეპარტამენტმა დაადასტურა, რომ ესტონეთმა, ლიტვამ და ლატვიამ, ისევე როგორც დიდმა ბრიტანეთმა, მიიღეს ნებართვა, მიეწოდებინათ კიევისთვის ამერიკული იარაღი საკუთარი მარაგებიდან. რა ტიპის იარაღზეა საუბარი, არ არის დაკონკრეტებული.
სააგენტო Reuters-ის ცნობით, ესტონეთი უკრაინას სავარაუდოს Javelin-ის ტანკსაწინააღმდეგო სარაკეტო სისტემებს გადასცემს, ხოლო ლიეტუვა - Stinger-ის საზენიტო-სარაკეტო სისტემებს, რომლებიც დაბალ სიმაღლეზე მფრინავი საჰარო სამიზნეების გასანადგურებლად არის შექმნილი.
აშშ-ის ექსპორტის კონტროლის რეგულაციები ავალდებულებს სახელმწიფოებს მიიღონ თანხმობა სახელმწიფო დეპარტამენტისგან, სანამ აშშ-ისგან შეძენილ იარაღს მესამე ქვეყნებს მიაწოდებენ.
შეგახსნებთ, რუსეთის მიერ უკრაინის საზღვრებთან კონცენტრირებული ათასობით სამხედროს გამო, დასავლეთი შიშობს, რომ მოსკოვს უკრაინაში შეჭრა აქვს განზრახული. კრემლი უკრაინაში შეჭრის განზრახვას უარყოფს.
უკრაინასთან დაკავშირებული კონფლიქტის მშვიდობიანი მოგვარებისკენ მიმართული ძალისხმევის ფარგლებში, აშშ-ის სახელმწიფო მდივანი 20 იანვარს ბერლინში ხვდება გერმანელ კოლეგას, ანალენა ბერბოკს, ფრანგ კოლეგას ჟან-ივ ლე დრიანს და ბრიტანეთის საგარეო საქმეთა მდივნის მოადგილეს.
დღის მეორე ნახევარში დაგეგმილია ბლინკენის შეხვედრა გერმანიის კანცლერ ოლაფ შოლცთან.
21 იანვარს ენტონი ბლინკენი ჟენევაში შეხვდება რუსეთის საგარეო საქმეთა მინისტრს სერგეი ლავროვს.