შვედეთის სამხედრო უწყებები აცხადებენ, რომ ბალტიის ზღვაში რუსეთის სამხედრო აქტივობის ზრდა შეინიშნება. ინფორმაციას Associated Press-ი შვედეთის შეიარაღებული ძალების მაღალი რანგის გენერალზე დაყრდნობით ავრცელებს.
კერძოდ, შვედური მხარის ინფორმაციით, ბალტიის ზღვაში რუსეთის საზღვაო ძალების ჩრდილოეთ ფლოტის კუთვნილი სადესანტო ხომალდების გარკვეული რაოდენობა შევიდა.
გენერლის განცხადებით, ეს ავტომატურად არ ნიშნავს იმას, რომ რუსეთიდან მომავალი საფრთხე გაიზარდა, "მაგრამ ჩვენ ყოველთვის ვადაპტირებით გარემოსთან", - დასძინა მან.
ამ ფონზე, გენერლის თქმით, შვედეთმა ბალტიის ზღვაში, სტრატეგიული მნიშვნელობის კუნძულ გოტლანდზე ხილული სამხედრო აქტიურობას დაიწყო.
Associated Press-ის ინფორმაციით, შვედეთის გაზრდილი პატრულირება შეინიშნება კუნძულის მთავარ ქალაქ ვისბიში, ადგილობრივ აეროპორტსა და პორტებში.
გოტლანდი ბალტიის ზღვის უდიდესი კუნძულია, რომელიც შვედეთს ეკუთვნის.