ლონდონი ჰიპერბგერითი იარაღის შექმნას გეგმავს. ამის შესახებ დიდი ბრიტანეთის თავდაცვის ძალების შტაბის მეთაურმა ტონი რადაკინმა განაცხადა. მისი თქმით, ეს აუცილებელია მას შემდეგ, რაც რუსეთი ჰიპერბეგრითი რაკეტებს ფლობს.
The Times-თან საუბრისას მან განაცხადა, რომ ბოლო 20 წლის განმავლობაში ფენომენალურად გაიზარდა რუსეთის წყალქვეშა ხომალდების აქტივობა, ასევე რუსეთის სამხედრო-საზღვაო ფლოტის წყალქვეშა ოპერაციები. ამასთან, აღნიშნა, რომ შესაძლოა საფრთხე შეექმნას წყალქვეშა სადენებს, რომლებიც მთელ მსოფლიოს მოიცავს.
"სწორედ მათი მეშვეობით გადაიცემა მსოფლიო ინფრმაციისა და ტრაფიკის დიდი ნაწილი", - განაცხადა რადაკინმა. შეკითხვაზე სადენების განადგურება მომავალში "განიხილება თუ არა, როგორც ომის აქტი", მან უპასუხა: "პოტენციურად, დიახ".
ტონი რადაკინმა ასევე განაცხადა, რომ ბრიტანეთის მთავრობას წარუდგინა უკრაინაში რუსეთის შესაძლო შეჭრის შემთხვევაში საპასუხო ქმედებების პოტენციური ვარიანტები.
გასული წლის ოქტომბერშ, რუსეთის თავდაცვის სამინისტრომ განაცხადა, რომ ჰიპერბგერითი ფრთოსანი რაკეტა "ცირკონი" წარმატებით კიდევ ერთხელ გამოსცადა.
მანამდე რუსეთმა ჰიპებგერითი რაკეტები 2021 წლის ივლისში და 2020 წლის დეკემბერში, ნოემბერსა და ოქტომბერშიც გამოსცადა.
