რუსეთის თადაცვის სამინისტროს განცხადებით, ჰიპერბგერითი რაკეტა "ცირკონი" პირველად გაუშვეს ბირთვული წყალქვეშა ნავიდან.
უწყების ინფორმაციით, ბირთვულმა წყალქვეშა ნავმა "სევეროდვინსკმა" ბარენცის ზღვაში წარმატებით შეასრულა ჰიპერბგერითი რაკეტა "ცირკონის" პირველი საცდელი გაშვება.
როგორც უწყების წარმომადგენელმა ჟურნალისტებს განუცხადა, რაკეტამ გაანადგურა პირობითი სამიზნე, მისი ფრენა კი შეესაბამებოდა დასახულ პარამეტრებს.
გავრცელებული ცნობით, რაკეტას საათში 1000 კილომეტრზე მეტის განვითარება შეუძლია. რაკეტის შემქმნელები ირწმუნებიან, რომ ამ მონაცემებით, მსოფლიოში დღეს არსებული ყველა ანტისარაკეტო თავდაცვითი სისტემა უძლურია "ცირკონის" წინაშე.
თავდაცვის სამინისტრომ გამოქვეყნა "ცირკონის" გაშვების კადრები.
მანამდე, გასული წლის ოქტომბერში, "ცირკონი" სამხედრო ფრეგატ "ადმირალ გორშკოვიდან" გაუშვეს. ხომალდი თეთრ ზღვაში იმყოფებოდა და ბარენცის ზღვაში არსებული სამიზნე გაანადგურა.