რუსეთის შეიარაღებული ძალების გენერალური შტაბის განცხადებით, წარმატებით გამოსცადეს ზებგერითი ფრთოსანი ხომალდსაწინააღმდეგო რაკეტა "ცირკონი".
გავრცელებული ცნობით, რაკეტა სამხედრო ფრეგატ "ადმირალ გორშკოვიდან" გაუშვეს. ხომალდი თეთრ ზღვაში იმყოფებოდა და ბარენცის ზღვაში არსებული სამიზნე გაანადგურა.
გენერალური შტაბის უფროსის ვალერი გერასიმოვის განცხადებით, რაკეტის ფრენის მანძილი 450 კილომეტრი იყო, მაქსიმალური სიმაღლე კი 28 კილომეტრი.
"ფრენის დრო არის ოთხნახევარი წუთი. მიღწეულია ზებგერითი სიჩქარე, 8 მახზე მეტი", - თქვა გერასიმოვმა.
პუტინმა ცირკონის წარმატებულ ტესტებს ქვეყნის ცხოვრებაში მთავარ მოვლენა უწოდა, რაც უზრუნველყოფს მის თავდაცვისუნარიანობას მრავალი წლის განმავლობაში.
