პარლამენტმა განათლებისა და მეცნიერების კომიტეტის თავმჯდომარედ გიორგი ამილახვარი ერთხმად, 86 ხმით აირჩია.
გიორგი ამილახვარი 2020 -2024 წლის მოწვევის პარლამენტის მუშაობის დაწყებიდან დღემდე კომიტეტის თავმჯდომარის პირველი მოადგილე იყო. იგი ფრაქცია "ქართული ოცნების" წევრია.
მანამდე, განათლებისა და მეცნიერების კომიტეტს შალვა პაპუაშვილი ხელმძღვანელობდა. პოზიცია მას შემდეგ გახდა ვაკანტური, რაც პაპუაშვილი პარლამენტის თავმჯდომარედ აირჩიეს.