მიხეილ სააკაშვილი ეხმიანება პარლამენტში ინიცირებულ კანონპროექტს, რომლის თანახმადაც, შესაძლოა სახელმწიფო ინსპექტორის სამსახური გაუქმდეს.
სააკაშვილის თქმით, სახელმწიფო ინსპექტორის სამსახური უქმდება არსებული მიმდინარე გამოძიების, მის მიმართ გამოყენებული წამებისა და არაადამიანური მოპყრობის, გამო.
"სახელმწიფო ინსპექტორის სამსახური უქმდება არსებული მიმდინარე გამოძიების, ჩემს მიმართ გამოყენებული წამებისა და არაადამიანური მოპყრობის, გამო.
ასევე, იმისთვის, რომ ინსპექტორს ხელთ აქვს არა ის დამონტაჟებული კადრები, რომლებიც საკმაოდ შემაძრწუნებელი იყო მსოფლიოსთვის, (მაგრამ მათი აზრით ყველაზე რბილი ნაწილი იყო) არამედ სრული ვერსია, სადაც ბევრად უფრო სასტიკი მოპყრობაა ასახული.
სახელმწიფო ინსპექტორის მოსალოდნელი დასკვნა მყარ საფუძველს შექმნიდა სტრასბურგის სასამართლოს მიერ ჩემი დაუყოვნებლივი გათავისუფლებისთვის.",- ნათქვამია მიხეილ სააკაშვილის განცხადებაში.
