„მინდა, პირველ რიგში, დავარწმუნო არა მხოლოდ სახელმწიფო დეპარტამენტი, არამედ მთელი საზოგადოება, ასევე საერთაშორისო საზოგადოება, რომ სააკაშვილის მიმართ მოპყრობა იქნება როგორც საქართველოს კანონმდებლობის, ასევე საერთაშორისო სამართლებრივი პრინციპების გათვალისწინებით", აცხადებს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე.
მისი განმარტებით, სააკაშვილს სასამართლოზე წარდგომის უფლება ექნება ისე, როგორც ეს გათვალისწინებულია საქართველოს კანონმდებლობითა და საერთაშორისო სამართლებრივი პრინციპებით.
"შესაბამისად, აქ კითხვის ნიშნები არ იქნება. მას ექნება სასამართლოზე წარდგომის უფლება ისე, როგორც ეს არის გათვალისწინებული როგორც საქართველოს კანონმდებლობით, ასევე საერთაშორისო სამართლებრივი პრინციპებით“, – განაცხადა სამხარაძემ.