ელენე ხოშტარიამ პროტესტის ეს ფორმა აირჩია და მისი გადაწყვეტილება, როგორც ადამიანის, ქალის და როგორც სამი შვილის დედის, პატივისცემას იმსახურებს, აცხადებს ოპოზიციონერი დეპუტატი დავით ბაქრაძე.
მისი განმარტებით, ყველა ვხედავთ, რომ ქვეყანა მიექანება სახელმწიფოებრივი, სამოქალაქო კატასტროფისკენ.
"ქვეყანაში დღეს ყველა ვცხოვრობთ გამოცხადებული სიკვდილის ქრონიკის პირობებში. ყველა ვხედავთ, რომ ამ გადაწყვეტილებებით და ნაბიჯებით, რასაც დღეს ხელისუფლება დგამს, ყველა ერთად და ქვეყანა მიექანება სახელმწიფოებრივი, სამოქალაქო კატასტროფისკენ. ამიტომ ამ კატასტროფის თავიდან არიდება შესაძლებელია მხოლოდ საზოგადოების მხრიდან კონსოლოდაციისა და პროტესტის პირობებში. ელენე ხოშტარიამ პროტესტის ეს ფორმა აირჩია. პროტესტის ძალიან მძიმე, რადიკალური ფორმა და მისი გადაწყვეტილება, როგორც ადამიანის, ქალის და როგორც სამი შვილის დედის, პატივისცემას იმსახურებს.
ყველა ჩვენგანის ვალია, როდესაც ვხედავთ, რომ ქვეყანა მიექანება კატასტროფისკენ, როდესაც ვხედავთ, რომ ქვეყანა ნაბიჯ-ნაბიჯ ყოველდღიურად უახლოვდება სამოქალაქო და სახელმწიფოებრივი დაპირისპირების იმ ზღვარს, რომლიდანაც ძლივს დავაღწიეთ თავი 90-იან წლებში და ჯერ კიდევ ვერ მოვიშორეთ ის ტვირთი, ჭრილობა, როდესაც ეს ყველაფერი ჩვენ თვალწინ და ჩვენი მონაწილეობით ხდება, გადადგას ნაბიჯები და მიიღოს მონაწილეობა ამ პროცესის, გამოცხადებული კატასტროფის ქრონიკის შეცვლაში“, – განაცხადა დავით ბაქრაძემ.
შეგახსენებთ, მიხეილ სააკაშვილის სამოქალაქო კლინიკაში გადაყვანის მოთხოვნით, ელენე ხოშტარიამ პარლამენტის შენობაში შიმშილობა დაიწყო.