"ქართული ოცნების" თავმჯდომარის თქმით, მიხეილ სააკაშვილი დღეს "ავად გახდომის სიმულირებას გეგმავს" - ირაკლი კობახიძემ ამის შესახებ საარჩევნო უბანზე, ხმის მიცემის შემდეგ განაცხადა.
"გვაქვს ასეთი ინფორმაცია, რომ ის მაინცდამაინც დღეს, კენჭისყრის დღეს აპირებს გახდეს ცუდად, აპირებს სიმულირებას იმისთვის, რომ მხარდამჭერებში ემოციები აღძრას, თუმცა ესეც არის წარუმატებლობისთვის განწირული, როგორი სიმულაციაც არ უნდა განახორციელოს დღეს სააკაშვილმა, ამას ვერ ექნება ვერავითარი წარმატება.
შიმშილობაზე პასუხისმგებელია მოშიმშილე, რომელიც არის უმძიმესი დამნაშავე, მიხეილ სააკაშვილი, რომლის დაკვეთითაც ადამიანებს აწამებდნენ, აუპატიურებდნენ, ბიზნესებს ართმევდნენ... ამის გამო მან კი არ უნდა იშიმშილოს, უნდა მოინანიოს, ეს არის სამარცხვინო კაცი", - განაცხადა ირაკლი კობახიძემ.
