ქუთაისში მყოფმა "ახალი მემარჯვენეების" ლიდერმა დავით გამყრელიძემ ქუთაისში, პარლამენტთან მომხდარი ინციდენტი გააპროტესტა.
როგორც გამყრელიძემ აღნიშნა, მას, ფიქრია ჩიხრაძეს, დავით საგანელიძესა და სხვებს ქვეყნის საკანონმდებლო ორგანოს მშენებლობის დათვალიერება სურდათ, თუმცა ისინი იქ არ შეუშვეს.
"ჩვენ გვსურდა ჩვენი თვალით გვენახა, თუ რაში იხარჯება ათეულობით მილიონი, რომელშიც სხვათა შორის ქართველი ხალხის და მათ შორის ჩვენი ფულიც არის, თუმცა იქ კატეგორიულ წინააღმდეგობას წავაწყდით", - განაცხადა დავით გამყრელიძემ.
პარტიის ლიდერებს მიაჩნიათ, რომ ხელისუფლება მილიონობით ლარს ათეთრებს და ამიტომაც სურთ ეს პროცესი გამჭვირვალე არ იყოს.
შეგახსენებთ, რომ "ახალი მემარჯვენეები" ქუთაისში მეორე დღეა იმყოფებიან. ისინი მხარდამჭერებთან და აქტივისტებთან მართავენ შეხვედრებს.
