უკრაინაში ვიზიტის ფარგლებში ლვოვის მხარის გუბერნატორის მიწვევით ვიცე-პრემიერ მინისტრმა გიორგი ბარამიძემ შეხვედრა გამართა სახელმწიფო მოხელეთა გადამზადების აკადემიის მსმენელებთან და საზოგადოების წარმომადგენლებთან.
ასევე, შეხვედრა შედგა ლვოვის ავტობუსების ქარხანაში და რეგიონის ყველაზე დიდ სავაჭრო ცენტრში, სადაც საუბარი შეეხო საქართველოში ავტობუსების წარმოების შექმნის პერსპექტივებს და უკრაინაში, ლვოვის ოლქში ქართული სოფლის მეურნეობის პროდუქტების, განსაკუთრებით ციტრუსის ექსპორტის განხორციელებას.
საქართველოში გატარებული რეფორმების გამოცდილების გაზიარების მიზნით, გიორგი ბარამიძემ შეხვედრა გამართა ადგილობრივი ხელისუფლების წარმომადგენლებთან და ლვოვის გუბერნატორთან ერთად მონაწილეობა მიიღო ლვოვის ცენტრალური ტელევიზიის მთავარი საინფორმაციო გამოშვების პირდაპირ ეთერში. აღსანიშნავია,
"უკრაინა გამოხატავს დიდ ინტერესს საქართველოში მიმდინარე მოვლენების გაცნობისა და წარმატებული რეფორმების გამოცდილების გაზიარების თვალსაზრისით", - აღნიშნა ბარამიძემ.
შეგახსენებთ, რომ ვიცე-პრემიერ-მინისტრი სამუშაო ვიზიტით უკრაინაში იმყოფება, სადაც კიევის მე-4 უსაფრთხოების ფორუმშიც მიიღო მონაწილეობა.
მასალის გამოყენების პირობები
