ცხინვალში რუსეთის პრემიერის ფავორიტის ტანმოვარჯიშე და რუსეთის დუმის ახალგაზრდა დეპუტატის ალინა კაბაევას სახელობის სპორტული კომპლექსი შენდება. ოსური მედიის ინფორმაციით, კომპლექსის 30 % ამჟამად დასრულებულია. მშენებლობის ხელმძღვანელი ხაკიმ ალტურგი აცხადებს, რომ რეგულარული დაფინანსება და კარგი ამინდი სამუშაოების სწრაფ ტემპს უწყობს ხელს.
"სამშენებლო მოედანზე მშენებლობისათვის აუცილებელი ტექნიკა და მასალები შემოვიტანეთ. მშენებლობა ჯერ კიდევ გასულ წელს დაიწყო, თუმცა დროებით შეჩერდა, ამჟამად კი კვლავ განახლდა", _ აცხადებს ალტურგი.
მისივე თქმით, მშენებლობაზე მშენებელთა შერეული ბრიგადები მუშაობენ.
"აქ მუშაობენ ადგილობრივი ოსები, უზბეკები, თურქები და სხვები", _ აცხადებს იგი.
ალინა კაბაევას სახელობის სპორტული კომპლექსის მშენებლობის დასრულებას 2011 წლის ზაფხულისათვის გეგმავენ.
