იოკოჰამაში აშშ-ის პრეზიდენტის ბარაკ ობამასა და რუსეთის პრეზიდენტის დიმიტრი მედვედევის შეხვედრის შემდეგ, თეთრი სახლის ლიდერმა განაცხადა, რომ ორ ქვეყენას შორის განსაკუთრებით კარგი თანამშრომლობა ჩამოყალიბდა ავღანეთში ტვირთების ტრანსპორტირების საკითხში.
მისი თქმით, ეს თანამშრომლება შესაძლოა გახდეს ამოსავალი წერტილი სხვა დისკუსიისთვის, რომელიც მომავალ კვირას, ლისაბონის ნატოს სამიტზე გაიმართება.
"ჩვენ განვიხილეთ მედვედევის განზრახვა, ჩამოვიდეს ლისაბონში ნატოს სამიტზე. ეს შესაძლებელს გახდის რუსეთი - ნატოს საბჭოს საქმიანობის გადატვირთვას და ახალი კონსულტაციების დაწყებას, რათა ჩვენ შევძლოთ თავიდან ავირიდოთ დაძაბულობა და გავაფართოვოთ თანამშრომლობა ევროპის უსაფრთხოების საკითხებში", _ განაცხადა ობამამ.
მან ასევე აღნიშნა, რომ რუსეთი არის ბრწყინვალე პარტნიორი მთელი რიგი საერთაშორისო საკითხების გადაწყვეტაში.
"ჩვენ ვაფასებთ იმ კარგ საქმიანობას, რომელსაც აკეთებს პრეზიდენტი მედვედევი და მისი გუნდი. მე მოუთმენლად ველოდები ჩვენს მორიგ შეხვედრას მომავალ კვირაში", _ განაცხადა აშშ-ის პრეზიდეტმა ორი ქვეყნის ლიდერების მეათე, ორმხრივი შეხვედრის დასრულების შემდეგ.
მასალის გამოყენების პირობები
