აშშ-ის პრეზიდეტი ბარაკ ობამა რუსეთის ვმო-ში გაწევრიანებასთან დაკავშირებით საქართველოს პოზიციას "რთულს" უწოდებს. ამის შესახებ რუსეთის პრეზიდენტის მრჩეველმა არკადი დვორკოვიჩმა განაცხადა.
მისი თქმით, ბარამ ობამამ რუსეთის პრეზიდენტთან გამართული შეხვედრისას საქართველოს პოზიციას რუსეთის ვმო-ში გაწევრიანებასთან დაკავშირებით "რთული" უწოდა.
"არსებული საკითხებიდან რჩება მხოლოდ ეს, სხვა ტექნიკური ხასიათისაა. მაგრამ ეს არ ნიშნავს, რომ ის ძალიან დიდია. უბრალოდ საჭიროა მუშაობა", _ განაცხადა დვორკოვიჩმა.
დვორკოვიჩის განმარტებით, იმის მიუხედავად, რომ შესაძლებლად რჩება საქართველოს მიერ რუსეთის ვმო-ში გაწევრიანების ბლოკირება, მოსკოვს შეუძლია ამ საკითხის გადაწყვეტაში აშშ-სა და ევროპის იმედი ჰქონდეს.
"პრობლემა ჯერ რჩება. მაგრამ ყველანი, ვინც ვმო-ში ჩვენი გაწევრიანებით დაინტერესებულნი არიან, დაგვეხმარებიან, მათ შორის აშშ და ევროპელები", _ განაცხადა რუსეთის პრეზიდენტის თანაშემწემ იკოჰამაში დიმიტრი მედევედევისა და ბარაკ ობამას შეხვედრის დასრულების შემდეგ.
