"სალომე ზურაბიშვილს საზოგადოებაზე არ ჰქონია იმხელა გავლენა, რომ მისი წასვლით ქართულ პოლიტიკაში რაიმე შიცვალოს", - განუცხადა "ჯი-ეიჩ-ენს" პარლამენტის იურიდიულ საკითხთა კომიტეტის თავჯდომარე პავლე კუბლაშვილმა "საქართველოს გზის" ლიდერის პოლიტიკიდან შესაძლო წასვლის საკითხზე კომენტირებისას.
მისი თქმით, ზურაბიშვილის გუნდს არ ჰქონია დიდი რეიტინგი და შესაბამისად, მისი პოლიტიკად წასვლა არაფერს შეცვლის.
"არ ვფიქრობ, რომ ზურაბიშვილს ან მის გუნდს რაიმე გავლენა აქვს საზოგადოებაზე. მათ არც რეიტინგი ჰქონიათ, რაც არჩევნებშიც გამოჩნდა. შესაბამისად, მისი შესაძლო წასვლა ქართულ პოლიტიკურ მდგომარეობასა და ამინდზე არ აისახება", - განმარტა კუბლაშვილმა "პრაიმ ტაიმის" პრესკლუბში ჟურნალისტებთან შეხვედრისას.
შეგახსენებთ, რომ გავრცელებული ინფორმაციით, სალომე ზურაბიშვილი პოლიტიკიდან მიდის. სამომავლო გეგმებთან დაკავშირებით "საქართველოს გზის" ლიდერი დღეს, 18:00 საათზე, "თბილისი-მარიოტში" დაგეგმილ სპეციალურ კონფერენციაზე თავად ისაუბრებს.
