მრავალწლიანი ლოდინის შემდეგ, სამეცნიერო ფანტასტიკური ფილმის The Matrix-ის მეოთხე ნაწილს მაყურებელი დეკემბერში იხილავს.
ცოტა ხნის წინ, The Matrix: Ressurections-ის (მატრიცა: აღდგომა) პირველი ტრეილერი გამოქვეყნდა.
როგორც გამოქვეყნებულ ვიდეოში ჩანს, ფილმის მთავარ გმირებს ტრილოგიაში განვითარებული მოვლენების შესახებ არაფერი ახსოვთ.
ნეო, იგივე თომას ანდერსონი (კიანუ რივზი), ფრაგმენტულად იხსენებს მის მიღწევებს "მატრიცის" ტრილოგიაში და ცდილობს გაარკვიოს რა დაემართა და ვინ არის იგი. ახალგაზრდა მორფეუსი (იაჰია აბდულ-მატინ II) ეხმარება ყველაფრის გაგებაში. ნეოს მეგობარ ტრინიტის (კერი-ენ მოსს) ასევე პრაქტიკულად არაფერი ახსოვს მატრიცის შესახებ.
მიუხედავად ამისა, ფილმის გმირები როგორღაც ხვდებიან ერთმანეთს და იწყებენ სხვა მოგზაურობას იდუმალ სამყაროში.
"მატრიცის" პირველი ნაწილი 1999 წელს, მეორე და მესამე ნაწილები კი 2003 წელს გამოვიდა.
