დარწმუნებულნი ვართ, რომ ლათინური ამერიკის ქვეყნებიც და მსოფლიოს სხვა რეგიონების ქვეყნებიც ადრე თუ გვიან აღიარებენ სამხრეთ ოსეთის დამოუკიდებლობას დაინახავენ, რა, რომ სამხრეთ ოსეთის რესპუბლიკა შემდგარი სახელმწიფოა. საქართველოს გამოხტომები კი ამ საკითხთან მიმართებაში ჩვენ არ გვაღელვებს. ეს განცხადება სეპარატისტული სამხრეთ ოსეთის ე.წ. საგარეო საქმეთა მინისტრმა მურატ ჯიოევმა საქართველოს საგარეო საქმეთა სამინისტროს მიერ გაკეთებულ განცხადებაზე ოფიციალურად პასუხის გაცემისას გააკეთა.
"ამგვარი გამოხტომები ჩვენ არ გვაკვირვებს. რა თქმა უნდა საქართველო მთელი ძალებით ცდილობს, რომ სამხრეთ ოსეთის დამოუკიდებლობა მსოფლიოს სხვა ქვეყნებმა არ აღიარონ. ეს საქართველოს ხელისუფლების სურვილია და არ არის საჭირო სასურველის არსებულად წარმოჩინება. დიახ, მათ უფრო დიდი საშუალებები აქვთ ჩვენს წინააღმდეგ იმუშავონ, მათ აშშ უჭერს მხარს - ჯერ მხოლოდ აშშ-ს სახელმწიფო მდივნის მოადგილის ფილიპ გორდონის მიერ გაკეთებული განცხადება რაც ღირს, სადაც იგი აცხადებს, რომ აშშ მსოფლიოს ქვეყნებთან მუშაობს იმისათვის რათა მათ აფხაზეთისა და სამხრეთ ოსეთის დამოუკიდებლობა არ აღიარონ", _ აცხადებს ჯიოევი.
მისივე თქმით, მიუხედავად ყოველივე ამისა _ "არასოდეს თქვა არასოდეს. ჩვენ დარწმუნებული ვართ, რომ ლათინური ამერიკის ქვეყნები და მსოფლიოს სხვა რეგიონების ქვეყნები როდესაც დაინახავენ, რომ სამხრეთ ოსეთი შემდგარი სახელმწიფოა ადრე თუ გვიან აღიარებენ ჩვენი სახელმწიფოს დამოუკიდებლობას".
შეგახსეებთ, რომ საქართველოს საგარეო საქმეთა მინისტრმა გრიგოლ ვაშაძემ რამდენიმე დღის წინ გააკეთა განცხადება ლათინური ამერიკის ქვეყნების მხრიდან საქართველოს რუსეთის მიერ ოკუპირებული რეგიონების ე.წ. დამოუკიდებლობის აღიარება კატეგორიულად გამორიცხა.
