საქართველოს მოქალაქე, 15 წლის მოზარდი, რომელიც რუსმა ოკუპანტებმა და ოსმა სეპარატისტებმა ე.წ. საზღვრის დარღვევისათვის დააკავეს გათავისუფლებულია.
სეპარატისტებმა იგი საქართველოს შს სამინისტროს წარმომადგენლებს გადასცეს. ინფორმაციას ამის შესახებ ე.წ. სამხრეთ ოსეთის ბეჭდვისა და ინფორმაციის კომიტეტი ავრცელებს.
"მისი ასაკის გათვალისწინებით, ცხინვალის სასამართლომ მიიღო გადაწყვეტილება მის მიმართ არ გატარებულიყო სისხლის სამართლისა და ადმინისტრაციული ღონისძიებები და იგი ყოველგვარი დასჯის გარეშე გაეთავისუფლებინათ", _ იუწყება კომიტეტი.
შეგახსენებთ, რომ მოზარდი რუსმა ოკუპანტებმა და ოსმა სეპარატისტებმა ოკუპირებული ტერიტორიის გრომის დასახლებული პუნქტის რაიონში დააკავეს.
