ქართულ-რუსული ურთიერთობების შესახებ მხატვრული ფილმის "მოსკოვი-თბილისის" გადაღება დაიწყო. ეს განცხადება რუსეთში ქართველთა კავშირის ხელმძღვანელმა მიხეილ ხუბუტიამ გააკეთა.
მისივე თქმით, ასევე განახლებულია გაზეთ "მოსკოვი-თბილისის" გამოცემა, რამაც ხელი უნდა შეუწყოს ისტორიულ-კულტურული ურთიერთობების აღდგენას.
ამას გარდა, ხუბუტიას თქმით, უახლოეს მომავალში ქართველი ახალგაზრდობის ჯგუფი რუსეთს ეწვევა, იმისათვის რომ ნახონ თუ როგორც გრძნობენ თავს მათი თანამემამულეები ამ ქვეყანაში.
საუბრობს რა სახალხო დიპლომატიის მნიშვნელობაზე მიხეილ ხუბუტია აცხადებს, რომ პოლიტიკოსებს უნდა ახსოვდეთ, რომ რუსეთში მილიონზე მეტი ქართველი ცხოვრობს.
"დიალოგი უნდა დაიწყოს. ვინ იფიქრებდა, რომ აშშ-სა და იაპონიას შორის ხიროსიმასა და ნაგასაკის ტრაგედიის შემდეგ ურთიერთობების ის დონე იქნებოდა რაც დღეს არის. გავა დრო და რუსეთი და საქართველოც გამონახავენ საერთო ენას", _ აცხადებს ხუბუტია.
მასალის გამოყენების პირობები
