ამერიკული საკალათბურთო კლუბის, "ლოს ანჯელეს ლეიკერსის"-ის მოთამაშე კობი ბრაიანტი ეროვნული საკალათბურთო ასოციაციის (NBA) ყველაზე მაღალი ანაზღაურებადი კალათბურთელია.
წელს კლუბმა ხელფასის სახით 24.8 მილიონი ამერიკული დოლარი გაუდაუხადა.
აპრილში, ბრაიანტმა კლუბთან სამწლიანი კონტრაქტი გააფორმა. ის ამ სამ წელში 83,5 მილიონ ამერიკულ დოლარს მიიღებს. 2013-2014 წელს მისი ხელფასი 30.5 მილიონი დოლარი იქნება. ეს ანაზღაურება NBA - ში პირველი იქნება, რომელიც 30 მილიონზე მეტ თანხას შეადგენს.
მეორე ადგილზე მაღალანაზღაურებად კალათბურთელებში "ორლანდო მეჯიკის" მოთამაშე რაშიდ ლუისი იმყოფება. 2010 წელს მისმა ანაზღაურებამ 20.5 მილიონი ამერიკული დოლარი შეადგინა. ლუისმა "მეჯიკთან" 2007 წელს გააფორმა 6-წლიანი კონტაქტი, რომლის ღირებულებაც 118 მილიონ ამერიკულ დოლარს შეადგენს.
მესამე და მეოთხე ადგილებზე "ბოსტონ სელტიკსისა" და "სან-ანტონიო სპურზის" ვეტერანი კალათბურთელები, კევინ გარნეტი და ტიმ დანკანი იმყოფებიან. მათმა წლიურმა ანაზღაურებამ 18.7 მილიონი ამერიკული დოლარი შეადგინა.
ათეულში იმყოფებიან, ჩინელი იაო მინი, მაიკლ რიდი, ჟილბერტ არენასი და ზაკ რენდოლფიც.
რუსი კალათბურთელი ანდრეი კირილენკო რეიტინგში მეექვსე პოზიციაზე იმყოფება.
