საქართველოს განათლებისა და მეცნიერების მინისტრის დიმიტრი შაშკინიკის განცხადებით 8 საჯარო სკოლის დირექტორმა თანამდებობები საკუთარი ნებით დატოვეს.
ამის შესახებ შაშკინმა თბილისის 23-ე საჯარო სკოლაში ვიზიტისას განაცხადა.
მისი თქმით, ეს დირექტორების პირადი გადაწყვეტილება იყო და სამინისტრო ამ პროცესებში არ ჩარეულა.
შაშკინის მტკიცებით, დირექტორებმა სამეურვეო საბჭოს წევრებს მიმართეს შესაბამისი განცხადებით, რაზეც სამეურვეო საბჭოს წევრებმა შესაბამისი გადაწყვეტილებით უპასუხეს.
"საქართველოს კანონმდებლობით სკოლის დირექტორებს არ ათავისუფლებს განათლებისა და მეცნიერების სამინისტრო. სკოლების დეცენტრალიზაციის სისტემის თანახმად, დირექტორები თავად წერენ განცხადებას თანამდებობიდან განთავისუფლების შესახებ. ამ განცხადებას კი, სამეურვეო საბჭო აკმაყოფილებს ან არ აკმაყოფილებს. შესაბამისად, გადაწყვეტილებაც მათ მიერ არის მიღებული", - განაცხადა შაშკინმა.
როგორც "ჯი-ეიჩ-ენისთვის" გახდა ცნობილი, ისინი დაიბარეს განათლების სამინისტროს გენერალურ ინსპექციაში და მათ სკოლის სამეურვეო საბჭოს სახელზე, თანამდებობის დატოვების შესახებ განცხადების დაწერა მოთხოვეს.
