ლისაბონში ნატო-რუსეთის სამიტზე "მეორე ბუქარესტი" არ იქნება, დღის წესრიგი პროგნოზირებადია და "არასასიამოვნო დეკლარაციების" რუსეთი არ უნდა ელოდოს. განცხადება ამის შესახებ ნატოში რუსეთის მუდმივმა წარმომადგენელმა დიმიტრი როგოზინმა გააკეთა.
"ამჯერად ნატოელებს თავისივე თავი რომ არ შეეყვანათ ჩიხში, ჩვენ იმთავითვე ვუთხარით ჩვენი სურვილის შესახებ - არავითარი სიურპრიზები. ჩვენ გვინდა პროგნოზირებადი დღის წესრიგი პროგნოზირებადი პარტნიორისგან. ჩვენ თითქმის დაგვარწმუნეს იმაში, რომ ნატოს სამიტზე არასასიამოვნო დეკლარაციებს ადგილი არ ექნება", _ აცხადებს როგოზინი.
მისივე თქმით, რუსეთს ლისაბონში არ სურდა "მეორე ბუქარესტის" ხილვა, - "მაშინ როდესაც 2008 წელს, პრეზიდენტმა ვლადიმერ პუტინმა თავისი რეპუტაცია დააყენა რისკის ქვეშ მიიღო რა გადაწყვეტილება რუსეთ-ნატოს სამიტზე გამგზავრების შესახებ. მასზე კი იყო გეგმაში საქართველოსა და უკრაინისათვის ნატოს წევრობის სამოქმედო გეგმების მინიჭების საკითხი", _ აცხადებს როგოზინი.
მისივე თქმით, ის რომ "არც საქართველოს და არც უკრაინას ნატოს წევრობის სამოქმედო გეგმა არ მისცეს, მნიშვნელოვანწილად დამოკიდებული იყო სწორედ იმაზე, რომ სამიტს რუსეთის ექს-პრეზიდენტი პირადად ესწრებოდა".
