ამერიკის შეერთებული შტატების პრეზიდენტის ბარაკ ობამას განცხადებით აშშ ისლამის წინააღმდეგ არასდროს იბრძოლებს.
ამის შესახებ ობამამ ინდონეზიაში ვიზიტისას, ჯაკარტის უნივერსიტეტში სტუდენტებთან შეხვედრისას განაცხადა.
ამერიკამ და ინდონეზიამ ხელი მოაწერეს ხელშეკრულებას, რომლის მიხედვითაც ეს ორი ქვეყანა გააძლიერებს ურთიერთვაჭრობასა და ტერორიზმთან ერთობლივ ბრძოლას.
ობამამ უნივერსიტეტში ვიზიტისას ისაუბრა ამერიკისა და მუსულმანური სამყაროს ურთიერთობაზე.
მისი თქმით, ინდონეზია, რომელშიც სხვა ქვეყნებთან შედარებით, ყველაზე მეტი მუსულმანია, ამერიკისთვის მთავარი მოკავშირე გახდება მუსულმანურ სამყაროსთან კარგი ურთიერთობის ჩამოსაყალიბებლად.
"ჩვენ ყველამ ერთად უნდა დავამარცხოთ "ალ ქაიდა" და არ მინდა, რომ მათ რომელიმე რელიგიაში წინამძღოლი ჰყავდეთ. მე მჯერა, რომ ეს არ იქნება ისლამში. პირიქით, არ არსებობს ისეთი დიდი რელიგია, როგორიც ისლამია", - განაცხადა ობამამ.
მისი თქმით, ყველა რელიგიის კარგი ურთიერთობების ჩამოყალიბების ნათელი მაგალითი ამერიკის შეერთებული შტატებია.
