საქართველოს მესამე პრეზიდენტი მიხეილ სააკაშვილი სოციალურ ქსელში, მის ოფიციალურ გვერდზე გამოქვეყნებულ სტატუსთან დაკავშირებით განმარტებას აკეთებს.
სააკაშვილის თქმით, განცხადება, რომელიც თავდაპირველად მის ფეისბუქზე გამოქვეყნდა და მოგვიანებით წაიშალა, სუს-ის ნამოქმედარია.
"სუსმა, როგორც ჩანს, მოახერხა მაინც ჩემი პეიჯის გატეხვა, უკვე მეორეჯერ, რაღაც სრულიად გაურკვეველი ტექსტით. ,ახლა მივწერე Facebook-ს რომ დამატებით დაცვები დაამატოს. მაინც არაფერი არ გამოგივათ მეგობრებო, არც ერთ ამ თემაზე, რომელზეც ახლა ნერვიულობთ. რისი თქმა უნდოდათ, ამ ტექსტით, ეგეც ვერ გავიგე ბოლომდე…", - წერს მიხეილ სააკაშვილი.
შეგახსენებთ, დღეს, მიხეილ სააკაშვილის ოფიციალურ ფეისბუქგვერდზე გამოქვეყნდა პოსტი, სადაც ნათქვამი იყო, რომ "როგორმე უნდა მოხერხდეს, ეს ტრაგედია რაც საქართველოში ხდება ივანიშვილს და ქოცებს დამსახურებულად შეეტენოთ". რამდენიმე წუთში, ეს განცხადება სააკაშვილის გვერდიდან წაიშალა.
