"მოსკოვი მოითხოვს დაუშვან დიპლომატები საქართველოში დაკავებულ და ჯაშუშობაში ბრალდებულ მოქალაქეებთან და აპირებს გაარკვიოს, არიან თუ არა მათ შორის რუსეთის მოქალაქეები", _ განაცხადა ლავროვმა.
მისივე თქმით, არის საკონსულო პროცედურები და ჩვენ მოვითხოვთ საკონსულო მისაწვდომობას. და თუ ეს ჩვენი მოქალაქეები არიან, გვინდა ამაში საბოლოოდ დავრწმუნდეთ", _ აცხადებს რუსეთის საგარეო საქმეთა მინისტრი და დასძენს _ "მოლაპარაკებები კი ამ საკითხთან დაკავშირებით არ მიმდინარეობს. ეს პროვოკაციაა", _ განაცხადა ლავროვმა.
შეგახსენებთ, რომ საქართველოს შინაგან საქმეთა სამინისტროს კონტრდაზვერვის დეპარტამენტმა დააკავა 15 პიროვნება რომლებსაც ჯაშუშობა და რუსეთის ფედერაციის თავდაცვის სამინისტროს გენერალური შტაბის მთავარი სადაზვერვო სამმართველოსთან - ე.წ. გრუსთან ფარული კავშირი ედებათ ბრალად. მათგან ორს საპროცესო შეთანხმება გაუფორმდათ. დაკავებულთაგან 4 ადამიანი რუსეთის მოქალაქეა.