ლეიბორისტული პარტიის ლიდერი შალვა ნათელაშვილი ეხმიანება "ქართული ოცნების" თავმჯდომარის ირაკლი კობახიძის განცხადებას იმასთან დაკავშირებით, რომ 2024 წლამდე ქვეყანაში საპარლამენტო არჩევნები არ გაიმართება.
ნათელაშვილის განცხადებით, ვადამდელი არჩევნები დაინიშნება მხოლოდ იმ შემთხვევაში, თუ ხალხი გამოვა ქუჩაში აქციაზე და დასავლეთი დააწესებს სანქციებს.
„ირაკლი კობახიძის განცხადება სრულად ჯდება მორიგი პრორუსული შეტევის ფორმატში და კრემლის მიზანია სწორედ, რაც შეიძლება დიდხანს შეინარჩუნოს თავისი სატელიტის რეჟიმი ივანიშვილის, კობახიძეების, მდინარაძეების და თალაკვაძეების თამადობით, რომლებიც მზად არიან, ჩვენი სამშობლო დადონ გეოპოლიტიკურ დახლზე გასაყიდად.
ვადამდელი დაინიშნება მხოლოდ იმ შემთხვევაში, თუ ხალხი გამოვა ქუჩაში აქციაზე და დასავლეთი დააწესებს სანქციებს. სხვა ყოველგვარი იმედი ვადამდელისა, გამორიცხულია, კობახიძემ რომც არ თქვას, ამის მიუხედავად. ხალხი აქციებზე გამოვიდეს დასავლეთის სანქციების ფორმატში“, – განაცხადა შალვა ნათელაშვილმა
