საქართველოს პარლამენტის თავმჯდომარე კახა კუჭავა სრულიად საქართველოს კათოლიკოს-პატრიარქს, ილია მეორეს ეწვია. ინფორმაციას საპატრიარქოს საზოგადოებასთან ურთიერთობის სამსახური ავრცელებს.
"ამა წლის 29 ივლისს საქართველოს საპატრიარქოში სრულიად საქართველოს კათოლიკოს-პატრიარქ ილია II-ს საქართველოს პარლამენტის თავმჯდომარე, ბატონი კახა კუჭავა ოჯახთან ერთად ესტუმრა.
გულთბილი შეხვედრისას კათოლიკოს-პატრიარქმა დალოცა სტუმრები და პარლამენტის თავმჯდომარეს საქართველოს საკეთილდღეოდ მშვიდობიანი და წარმატებული მოღვაწეობა უსურვა", - ნათქვამია საპატრიარქოს მიერ გავრცელებულ ინფორმაციაში.