არჩევნებზე კახა კალაძესა და ნიკა მელიას შორის ხმები 70-30-ზე გადანაწილდება - აცხადებს "ქართული ოცნების" თავმდჯომარე, ირაკლი კობახიძე.
კობახიძის განცხადებით, კალაძე არჩევნებს პირველივე ტურში მოიგებს.
"დედაქალაქის მერობის არჩევნებზე თუ იქნება ორი კანდიდატურა -კახა კალაძე და ნიკა მელია, ხმები 70-30-ზე გადანაწილდება. ამას წინასწარი კვლევები არჩვენებს, რაც ჩვენ გვაქვს. გვქონდა, წინასწარი ინფორმაცია, რომ ნიკა მელიას დაყენებას აპირებდნენ. თუ ორი კანდიდატი იქნება, პროპორცია დაახლოებით 70-30 იქნება. არ ველოდებით, არც ერთ ისეთ კანდიდატს, ვინც პირველი ტურის საკითხს ეჭვქვეშ დააყენებს. სრული პასუხისმგებლობით შემიძლია, გითხრათ, რომ კახი კალაძე არჩევნებს პირველივე ტურში მოიგებს. ამის გარანტიაა საზოგადოების განწყობა კახი კალაძის მიმართ", - განაცხადა ირაკლი კობახიძემ.