"ქართული ოცნების" თავმჯდომარის ირაკლი კობახიძის განცხადებით, ადგილობრივი თვითმართველობის არჩევნებზე 48%-ის აღება საკმაოდ რეალურია. ასე უპასუხა ირაკლი კობახიძემ "ღამის კურიერის" ჟურნალისტს კითხვაზე, აქვთ თუ არა პარტიაში 48%-ის აღების იმედი.
ირაკლი კობახიძის თქმით, პარტიაში მოელიან, რომ წინა არჩევნების შედეგებს გაიმეორებენ.
"მე მგონია, რომ ჩვენთვის ამოცანა არ უნდა იყოს 43%-ი. ჩვენ ვთქვით დღეს, რომ ჩვენი ამოცანაა იმავე შედეგის გამეორება, რაც გვქონდა, ანუ ყოველი მეორე ამომრჩევლის ხმის მიღება. მე ვფიქრობ, რომ 48% -ის აღება საკმაოდ რეალურია,"-აღნიშნა ირაკლი კობახიძემ.